Subhay jub ankhain kholeen
Khirki say bahir jo daikha
aik khuhbu mehekti aa rahi thee
dur kahin say,
Jaisay jalti lakri nay garam roti ko saikha,
ajab sa daikha
ye hay zindagi ki badalti raikha
rath ki rani nay nibhaya andaihra
din ki roshni nay bhigoya sawaira,
dur kahin
lakri pay pakti roti
Mitti kay bartonon main
tanbay kay piyalon say
khubu aarai thee
chai may mix illaiche
roti ki mehakti khusbu
aarahi hay
dur kahin, say
Ye nafs aarahi hay
dur kahin say
ye nafs ja rahi hay
dur kahin.
Aur subhay jub main uttha
khirki say bahir jo daikha
ajab samay
aur taajub samaita
apni zindagi kay haal ko samaita,
aik khubsurat si khusbu mehekti ja rahi thee,
dur kahin
Jaisay lakri pay jalti roti
dill piyasa aur bhuka jaisay pahar ki aik choti
pukaray kahin aik maan ki awaz
ajab hay ye ghari
aur khamoshi ka ye saaz
Aaja ab maira baita
roti tu khalay
kub say baitha hay tu piyasa... aur bhuka,
dur kahin
Jalti hui lakri pay roti kay lugnay ki khushbu
aarahi hay
dur kahin, say
aik nafs aaye thee
dur kahin say
ye nafs ja rahi hay
dur kahin
wo nasf aaye thee
dur kahin say
ye nafs wapa chali gaya
dur kahin
bara ya taira ya chawda saal
itna hi waqt lugta hay
zindagi aur ghar walon ka sath guzray
jaisay aik din guzarta hay
Mitti kay bartanon ki khushbu
lakri pay pakti roti
Mitti kay bartanon ki khushbu
lakri pay julti roti
mehek aarahi hay
dur kahin,
say
ye roshni aarahi hay
dur kahin say
ye roshni ja rahi hay
dur kahin
Comments
Post a Comment